MP-GAM = Majelis Pemerintahan GAM(Gerakan Atjèh Merdeka) dan
AM=Atjèh Merdeka.
Assalamu’alaikum.
ﺇِﻥَّ ﺍﻟْﺤَﻤْﺪَ ﻟِﻠﻪِ ﻧَﺤْﻤَﺪُﻩُ ﻭَﻧَﺴْﺘَﻌِﻴْﻨُﻪُ ﻭَﻧَﺴْﺘَﻐْﻔِﺮُﻩْ ﻭَﻧَﻌُﻮﺫُ ﺑِﺎﻟﻠﻪِ ﻣِﻦْ ﺷُﺮُﻭْﺭِ ﺃَﻧْﻔُﺴِﻨَﺎ ﻭَﻣِﻦْ ﺳَﻴِّﺌَﺎﺕِ ﺃَﻋْﻤَﺎﻟِﻨَﺎ، ﻣَﻦْ ﻳَﻬْﺪِﻩِ ﺍﻟﻠﻪُ ﻓَﻼَ ﻣُﻀِﻞَّ ﻟَﻪُ ﻭَﻣَﻦْ ﻳُﻀْﻠِﻞْ ﻓَﻼَ ﻫَﺎﺩِﻱَ ﻟَﻪُ.
ﺃَﺷْﻬَﺪُ ﺃَﻥَّ ﻻَ ﺇِﻟَﻪَ ﺇِﻻَّ ﺍﻟﻠﻪ ﻭَﺃَﺷْﻬَﺪُ ﺃَﻥَّ ﻣُﺤَﻤَّﺪًﺍ ﻋَﺒْﺪُﻩُ ﻭَﺭَﺳُﻮْﻟُﻪُ
Njang ulôntuan peumulia Para pemirsa jama’ah bandum njang geurahmati lé Allah. Uroë njoë ulôntuan keuneuk peugah haba Peukara MP-GAM. Pakon peureeulèë ulôn marit Peukara MP-GAM njoë. Sabab peukara njoë ka djeuët keu Polemik Rajek that dalam masjarakat Atjèh uroë njoë njang hana soë peudjeulaih dan geudeungo lé masyarakat hanya dari sebelah pihak njang bentji dan meurasa droëgeuh sibagoë saingan nibak MP-GAM dan teumakôt deungon na MP-GAM maka neuduëk awaknjan akan tersaingi dan mubahaya keu awaknjan. Ulèh sababnjan maka MP-GAM harus djipeuhantjô dan dilenyapkan.
Pembentukan MP-GAM terjadi bak thôn sekitar 1998.
Terbentuknya MPGAM na meusangkôt paôt deungon 3(lhèë) boh masalah rajek atau peristiwa seudéh dalam seudjarah Perdjuangan Atjèh Meurdéhka ta singkat deungon AM dan Seudjarah GAM. Lhèë boh peristiwa seudéh njan nakeuh:
1. Peristiwa bitjah I(phôn) internal GAM (1986).
2. Sakét brat Tengku Wali Neugara(WN).sekitar 1996. Keunong stroke dan ’uzor.
3. Coup d’etat kepemimpinan GAM oleh Malek Mahmud dan Dr. Zaini Abdullah cs.
Bhaih perpecahan internal GAM akan ta peugah khusus kali laén insya Allah. Hai njoë pih ka ulôntuan tuléh tjhit didalam Buku Ulôntuan ”Dari Rimba Atjèh ke Stockholm dan bak edisi kedua bukunjan ka ulôntuan rubah nan keu ”Dari Gunung Halimon keu Swedia”
Tengku Tjhik Muhammad Hasan di Tiro keunong sakét ”stroke”
Seukitar Thôn 1996 Tengku WN(Wali Neugara) Tengku Tjhik Muhammad Hasan di Tiro keunong sakét ”stroke”, dan tamong opname di Rumoh Sakét Huddinge Sweden. Stroke Tengku Wali njoë hana tréb lheuëh peristiwa Perpecahan GAM phôn(I). GAM MZ dan GAM Dr. Husaini(1986).
Post stroke nyan meu-akibat Tengku Wali ka ’uzor le kureuëng ingatan dan handjeuët lé concentrasi. Le ureuëng2 njang toë ngon gotnjan hana geuturi lé dan hana lé ta kalon tuléhsan2 gotnyan ’ohlheuëh keujadian stroke njan. Ka ta teupeuë bahwa hobby Tengku nakeuh teumuléh. Peuëkeuh na akibat perpecahan internal GAM I nyan njang merupakan pukulan luar biasa keu mental Tengku Wali? Wallahu’alam.
Keudjadian ”stroke” Tengku Wali njoë ditjok manfaat lé Dr. Zaini cs. bekerjasama deungon Malék Mahmud merebut kekuasaan putjuk pimpinan GAM dan memfitnah Dr. Husaini cs. sehingga djitjok keuseumpatan untuk coup d’etat kepemimpinan GAM dan singkirkan Dr. Husaini dari samping WN.
Peuranan Dr. Husaini sibagoë Pembantu Utama Wali Neugara
Semenjak Tengku WN teubiët u Luwa Nanggroë bak thôn 1979 dan trôh Dr. Husaini u Stockholm thôn 1980, Dr. Husaini nakeuh Pembantu Utama WN bak masa nyan. Djeuët kalon dalam tulèhsan surat menyurat antara kedua tokoh AM njan 1980-1985. Ka meutuléh dalam Buku Dokumen Seudjarah AM. Batjut ulôntuan peugah seudjarah peunténg masa kritis atau masa santéng GAM thôn 1979 – 1986. Njang lôntuan teupeuë hana meutuléh dalam media sosial. Dan ramè dianggap mysterious uléh ngon dan musôh. Padahal masa kritis GAM peunténg geuteupeuë lé para pentjinta perdjuangan AM karena masa njan menentukan hudép atau maté AM.
1979 Tengku WN neuteubiët uluwa Nanggroë seutjara rahsia. Hana ramè ureuëng teupeuë seulaén awak AM Djeuniëb. Singkat tjeurita Tengku Wali neuteubiët dari Kuala Djeuniëb keudéh neupiyôh bak rumoh Malék Mahmud di Singapura didjak intat lé Shaiman Abdullah almarhum. Dari Singapura Tgk. Wali geudjak u North Africa geumeusilèë bak Nanggroë2 bekas djadjahan Portugis njakni Angola, Mozambique, dll. Sadjan awak Timor Timu(TIMTIM) njang djinoë djituka nan djeuët keu Timor Leste.
1980 teubiët Dr. Husaini uluwa Nanggroë, geubri tugaih uléh Madjeulih Meuntroë geukeutuai uléh Dr. Mukhtar Y. Hasbi, untuk djak seutot Wali Neugara. Karena djandji Tengku Wali neudong diluwa hanya paléng bagah 3 (lhèë) buleuën dan paléng tréb 6(nam) buleuën. Peusan njoë geutinggai bak Dr. Husaini, dikeuë Tengku Idris Ahmad dan Tengku Hj. Ilyas Leubè njang djak intat Tengku WN hingga rangkang Pawang Uma/Habib Husén Djeuniëb bataih keuneulhuëh kamoë ureuëng Glé djeuët trén. Dan tungkat Komando Tengku Wali geuseurahkan bak djaroë Dr. Husaini, deungon peusan djak seutot Dr. Mukhtar Hasbi sibagoë PM(Peudana Meuntroë) dan putjuk Pimpinan AM seumeuntara Tengku WN di LN. Ternyata ka leubèh sithôn Tengku Wali hana meugisa, keuadaan didalam Nanggroë sangat kritis, karena hana ngon peutheun droë dan operasi TNI that meutamah intensive, ramè rakan2 seutia dan panglima2 ka habèh syahid.
Dr. Husaini beurangkat dari Kuala Djeuniëb pada 16 February 1980, juga dji-intat lé Shaiman Abdullah almarhum. Tudjuan kamoë langsung u Penang. 8 buleuën ter-katông2 di Malaysia ulôntuan peugot hubungan ngon UNHCR dan peuyakin awaknjan keu hai perdjuangan AM dan djikirém ulôntuan u Sweden. Ulôntuan nakeuh ureuëng Atjèh phôn that njang djikirém lé UNHCR KL sibagoë refugee Atjèh. Goh lom na meusidroë pih njang djiteurimong sibagoë anggota refugee dan djikirém uluwa Nanggroë sigohlom ulôntuan.
Ulôntuan piléh Sweden sabab djipeugah lé UNHCR awak OPM(Operasi Papua Merdeka) ban djikirém mantong u Sweden. Maka lôn piléh u Sweden supaya djeuët ta peugot hubungan ngon awaknjan. Meunan trôh u Sweden langsông peugot hubungan ngon awaknjan. Watèë lôntuan mantong lam camp refugee Flen awak OPM didjak kundjông lôntuan. Njang kundjông ulôntuan watèënjan nakeuh John Otto Ondowame, Muntroë Pertahanan Phôn dalam Kabinet OPM. Njan phôn hubungan geutanjoë deungon awak OPM. Perhubungan njan mantong meusambông hingga uroë njoë. Alhamdulillah.
Ureuëng trôh u Sweden phôn sibagoë Refugee Atjèh dari UNHCR
Kamoë (ulôntuan dan Shaiman) trôh u Sweden 26 September 1980. Musém gugur, cuaca ka leupië. Kamoë didjak tjok lé awak Immigrasi Sweden dan djiteumpatkan didalam camp meusapat ngon refugee dari Vietnam, Iraq, Somalia di AMS Förläggningen di Flen. Tengku Wali masa njan goh lom trôh u Sweden tapi droëneuhnjan na di Mozambique sadjan Alkatiri awak Timor Leste. Langsông ulôntuan bri thèë bak Tengku Wali bahwa ulôntuan ka trôh u Sweden dan meusambông hubungan silaturrahmi melalui surat menjurat .
Lheuëh 3(lhèë) buleuën di Camp refugee Flen, ulôntuan teubiët dari Camp melanjutkan peundidikan basa Svenska khusus utk tenaga medis dan minah u campus Uppsala University. Watèë ulôntuan di campus njan keuh trôh Tengku Wali Neugara dan geuduëk sadjan ulôntuan sejak masa njan sekitar January 1981. Hingga ulôntuan selesai pendidikan bahasa Svenska dan meuteumeung Diploma Basa Svenska tingkat Nasional. ”Riksdiplom i Svenska.”.
Kira2 pertengahan thôn 1981 ulôntuan meuteumeung keuridja sebagai Dokter Muda di bahagian Röntgen di Skövde, saboh kuta Propinsi diteungoh-teungoh Nanggroë Sweden. Tengku Wali pih ikôt pinah sadjan ulôntuan. Bak saboh uroë Tengku Wali meuteumung berita bahwa mantan PoRumoh gotnjan dan aneuk na di Belgium djak mengunjung ureuëng tjhik dari USA. Tengku Wali meuheut that djak saweuë keluarga gotnjan njang ka tréb hana meurumpok. Maka ulôntuan uroënjan ladju djak bloê ticket geuritan apui keu gotnjan dan djak intat gotnjan u stasion geuritan apui. Train njan nakeuh Train Europa didjak ban saboh Europa.
Tengku Wali djidrop lè immigrasi Djerman dan djitheun di Oldenburg.
Singoh djih lhêuëh Tengku Wali beurangkat, trôh talipun dari Tengku Wali bahwa droëneuhnjan ka djidrop lé immigrasi Djerman dan djitheun di peundjara Oldenburg. Dan geujuë djak ulôntuan sigra u Oldenburg meurumpok ngon droëneuhnjan. Deungon haté geulisah ulôntuan lakèë izin dari teumpat keuridja, langsông ulôntuan beurangkat deungon geuritan apui u Oldenburg, uroënjan ladju. Kuta Oldenburg nakeuh kuta Djerman njang paléng toë deungon Kiel perbatasan Djerman-Sweden.
Trôh u Oldenburg, lôntuan langsông djak u peundjara Djerman dan meurumpok ngon Tengku Wali. Geupeugah lé Tengku WN bahwa gotnjan djidrop sabab Dokumen njang neungui dji-anggap hana sah uléh immigrasi Djerman. Tengku WN djeuët djipeulheuëh meunjo na nanggroë njang tém teurimong gotnjan; meunjo hana maka Tengku WN akan djikirém keudéh u Jakarta. Djeuët ta bajangkan meunjo Tgk. WN djikirém keudéh u Jkt. Teuntèë resiko djih akan djigantung dikeuë Umum. Sabab memang Tgk. WN teungoh dalam buronan NKRI. Kalon foto2 9 dalam SERUAN. Dan saboh keumeunangan rajek that keu awaknjan.
Teuma kheun Tengku lom: ”Droëneuh kon ka na hubungan ngon Dubes Angola di Stockholm”, tanjong Tengku. ”Na , Nan djih Maria, Dubes inong.” djaweuëb lôn. Meunjo meunan neudjak bak Dubes Angola njan neuba Telegram lôn keu Menlu Angola, neu lakèë tulông bak awak njan untuk geuteurimong Ulôntuan tamong u Nanggroë Angola.” Mengikuti peurintah Tengku Wali, lôntuan balék ladju u Sweden dan langsong djak u Stockholm djak meurumpok Dubes Angola. Trôh menghadap bak Dubes Angola di Stockholm dan lôn peutrôh telegram nibak Tengku WN keu Meuntroë Luwa Nanggroë Angola dan Ulôntuan lakèë bantu bak Dubes Maria supaya geubri saboh ticket one way u Luanda. Njan bandum bèrèh dalam siuroë njan.
Deungon si-ôn ticket keu Tengku WN dan si-ôn surat dari Dubes Angola agar Tengku WN djeuët djak langsung u Luanda bèk meutheun sapat. Saat njan ladju ulôntuan gisa lom u Oldenburg djak djôk ticket dan surat tamong u Angola njan. Kamoë langsung meurumpok ngon Kepala Peundjara Oldenburg dan peuleumah ticket dan surat tamong u Luanda, maka uléh Kepala Pendjara Oldenburg Tengku WN djipeulheuëh dan djeuët Po u Luanda. Ulôntuan peungon Tengku WN u airport hingga Tengku WN ék kapai beurangkat u Luanda. Lheuëh ka leupah Tengku WN ék kapai u Luanda, deungon seunang haté, ulôntuan langsông gisa U Skövde.
Hana tréb Tengku Wali neudong di Angola, kira2 siminggu lheuëhnjan Tengku Wali ka neugisa lom u Sweden. Lontuan djak tuëng gotnjan di Arlanda dan Lontuan puwoë lom u rumoh ulôntuan di Skövde. Ulôntuan pakat Tengku Wali untuk teutap tinggai di Sweden dan ulôntuan peugah ka na rakan di Immigrasi Sweden, meuturi di Kedutaaan Sweden Kuala Lumpur ka pinah tugaih di kantô Immigrasi Pusat di Norrkôping. Tengku Wali setudju deungon usul ulôntuan dan ulôntuan talipun rakan ulôntuan njan lakèë tulông supaya Tengku Wali meuteumeung status refugee dan tinggai meuneutap di Sweden lagèë kamoë dua deungon Shaiman. Njang laèn2 goh lom trôih masa njan..
Tengku WN pinah u Sweden, usaha re-organize kembali AM
Kamoë teruskan perdjuangan yang teungoh kamoë atô untuk peuhudép keulai dan organise kembali AM dan GAM njang teungoh dalam krisis kehantjuran. Teumulai deungon atô peuteubiët Dr. Zaini dan peumimpin2 didalam Nanggroë ladôm peuteubiët hingga trôh u Sweden. Ladôm teutap bertahan di Malaysia sebagai basis kedua yang paléng toë u Nanggroë. Untuk njoë teupeutjaja Malék di Singapore untuk merecruit pemuda2 utk teulatih di Nanggroë keu-3. Dan melanjutkan hubungan diplomasi dengan musuh2 NKRI dan Nanggroë2 anggota PBB njang tém deungo dan sympathi deungon perdjuangan AM.
Ka neuteukeudi lè Allah watèë ka trôih Dr. Zaini dan Tgk. Djamil alm, rupanja awaknjan berconspiracy untuk memonopoli Tengku Wali sebagai bahagian daripada keluarga demi keuntungan pribadi sebagai anggota keluarga Wali atau calon Radja Atjèh, awaknjan hana seunang Tengku Wali duëk sadjan Dr. Husaini dan berusaha untuk pengaruh Tengku Wali agar pinah duëk sadjan keluarga awaknjan. Dan berhasil pinah Tengku Wali dari rumoh Dr. Husaini di Skövde u flat Djamil Amin di Stockholm.
Setelah 2-3 thôn Tengku Wali duëk di rumoh flat Djamil alm, Tengku Wali keudroë geulakèë minah dan geupeurintah Dr. Husaini untuk mita rumoh dan pakat Dr. Husaini duëk sadjan gotnjan lakèë awai sigohlom trôih Dr. Zaini, Djamil dll. Kebetulan bak masa njan Dr. Husaini ka hana lé keuridja di Skövde tapi ka pinah keuridja u Stockholm dan duëk di Stockholm.
Bitjah GAM I dan Coup d’etat GAM oleh Dr. Zaini & Malik Mahmud.
Dalam proses kepindahan Tengku Wali njoë ka geu-interrupt/geuhalangi lé Dr. Zaini meunurut ambisi gotnjan sehingga timbullah pro dan kontra dan bitjah phôn internal GAM di Stockholm. Silandjôtdjih Dr. Zaini bekerdja sama deungan Malik Mahmud untuk coup d’etat kepemimpinan Gam dan geser Dr. Husaini dari sampéng Tengku Wali bertepatan deungon uzur Tengku disebabkan keutuaan dan peunjakét gotnjan(Tengku WN).
Coup d’etat njoë dilanjutkan watèë djipeugot rapat di Stavanger antara awak2 Group Zaini dari Sweden, awak2 Norway dan padum2 droë awak Denmark, dan hadir M. Nur Juli dari Malaysia serta Malik Mahmud dari Singapore, njang djiclaim sibagoë ”rapat ban sigom dônja”. Dalam rapatnjan diusul oleh Nur Djuly supaya Malik Mahmud djiangkèë sibagoë Perdana Meuntroë. Bak masa njan Nur Djuly mantong sibagoë ipar dari Malek sabab Nur Djuly nakeuh suami Intan adék Malik. Teutapi dudoë meutjré dan meukawén deungon Saadiah Marhaban.
Tengku Wali Neugara na tjhit hadhir dalam rapat njan dalam kondisi mental mantong kureuëng sehat. Tengku Wali neumarit dalam bahsa Inggréh dalam madjeulih awak geutanjoë njang rata2 handjeuët bahasa Inggréh. Njang djeuët dan muphôm basa Inggréh hanya 3 droë ureuëng njakni Malek Mahmud, Nur Juli dan Bachtiar Abdullah. Njang laèn rata2 hana fasèh basa Inggréh. Dan hantom lagèë njan baroë kon Tengku Wali sabé neumarit basa Atjèh didalam rapat peunténg internal rapat AM. Djadi dalam rapat nyang lagèë njan rupakeuh Malék Mahmud geu-putuskan sibagoë Perdana Meuntroë GAM .
Proses teudong MPGAM
MP-GAM geupeudong di Kuala lumpur Malaysia, disinan djeuët takheun basis keudua GAM dilua Nanggroë njang paléng toë u Nanggroë, Atjèh. Di malaysia njan leubèh ramè angèëta2 GAM njang keumah teubiët uluwa Atjèh. Mungkén leubèh ramè nibak njang pluéng u Medan, Batu Bara, Jawa dan teumpat2 laén lagèë Riau, Batam, Singapore, trôh u Bengkulu, Lampung dan Palembang. Awak geutanjoë ramè njang keuridja kontrak bangunan di Johor dan Kuala Lumpur, ladôm keuridja di keubôn Sawit, ladôm meukat disinan di Kuala Lumpur trôh keudéh u Keudah, Perak dan Pulau Pinang. Jumlah awak geutanjoë masa 1980-an mantong ka meuribèë. Mungkén na trôh meu 2000 kadang tjhit leubèh. Lheuëh Dr. Husaini geukirém lé UNHCR u Sweden, usaha kamoë berhasil peuteubiët ureuëng2 Atjèh njang na di Malaysia dan Singapore u Sweden dan Nanggroë2 laén lagèë Denmark, Norway, Canada dan Holland.
Keudaan haba Tengku Wali sakèt stroke dan GAM ka bitjah dua njakni GAM Dr. Zaini dan Malèk Mahmud disaboh pihak dan GAM Dr. Husaini Hasan dan Tgk. Daud Husin dilaén pihak ka meluwah ka trôh u Malaysia dan trôh u Atjèh. Fitnah bahwa Dr. Husaini ka kaya, hana padôli lé ke perjuangan, ka praktek sibagoë specialis di teungoh pusat kuta Stockholm. Padahal biaya2 perdjuangan semendjak Dr. Husaini ka trôh u Sweden thôn 1980 dan biaja rutin/maintenance Tengku Wali bandum geutanggông lé Dr. Husaini sidroë hingga sithôn lheuëh ka trôh anggota2 njang laén barô na peusapat pèng untuk biaya Neugara, sekitar thôn 1983.
Padum-padum droë Panglima-panglima Wilayah AM njang na di Malaysia dan padum-padum droë tantra AM njang ban woë dari didikan Libya njoë geutjok inisiativ dan geuduëk rapat untuk piké peuseulamat perdjuangan mengingat keuadaan Wali Neugara dalam keuadaan uzor. Geutjok keuputusan untuk Peudong Madjeulih Peumeurintahan GAM untuk membantu peudjalan Peumeurintahan GAM seumeuntara Tengku Wali sakét dan bekerjasama dengan MBGAM Eropa yang bermarkas di Stockholm dimijub pimpinan Dr.Husaini Hasan. MBGAM = Majelis Besar Gerakan Aceh Merdeka. Panglima-panglima Wilayah AM njang tjok inisiativ peudong MP GAM nakeuh:
Tgk. Muhammad Mahmud, Panglima Wilayah Peureulak.
Tgk. Idris Mahmud, Gubernur Wilayah Peureulak/Staff Meuntroë Peundidikan.
Tgk. Sulaiman Amin, Panglima Wilayah AM Wilayah Djeuniëb
Tgk. Robert Suryadarma, Panglima Wilayah Atjèh Rajek.
Tgk. Bulôh,
Mansuruddin Yahya, Anggota TNA, trained Libya angkatan 42
Djafar Hamzah, Anggota TNA, trained Libya angkatan 42.
Dan padum2 droë treuk...djeuët neutanjong bak Tengku Mansuruddin Yahya.
Bandum petinggi2 GAM di Kuala Lumpur njoë keuh njang tjok inisiativ peudong MPGAM deungon geu-angkèë T. Don Zulfahri sibagoë Sekdjen(Sekretaris Jenderal). Keputusan peudong MP GAM di Kuala Lumpur njoë geu-bri thèë u Stockholm melalui telefon, kebetulan kamoë teungoh meusapat dalam saboh rapat rutin mingguan disinan na ulontuan(Dr. Husaini), na M. Daud Husin(alm), na Yusuf Daud, dll. (na kira2 5-7 droë treuk anggota AM).
Kamoë duëk rapat kilat meresponse keudjadian njan dan menjetudjui pendirian MPGAM di KL njan. Mengingat supaya na saboh Pemimpin dan Organisasi njang koordinasi Anggota2 AM njang meusiseuë di Malaysia.
Haba teudong MPGAM di KL njang djeulaih2 hana menyetujui kepemimpinan Malek-Zaini peugot kemarahan luwa biasa daripada Malik Mahmud cs. Dibawah komando Malék Mahmud, geupeurintah Zakaria Saman djak basmi MP GAM. Maka terjadilah pembunuhan berantai dimulai di Kuala Lumpur dengan terbunuh phôn Tengku Hj. Usman Pasi dan Tengku Abdul Wahab Kruëng Seumideuën. Seminggu lheuëhnjan terdjadi pembunuhan ateuëh Teuku Dôn Zulfahri, Sekjen MPGAM. Sehubungan deungon terbunuhnya Sekdjen MPGAM djiteubië pernyataan Zakaria Saman didalam surat kaba Serambi bahwa soë mantong njang melawan GAM dibawah pimpinan Malik Mahmud akan mengalami nasib seperti Teuku Don Zulfahri.
Kemudian beberapa pembunuhan yang diduga ada sangkut paut dengan MP-GAM seperti Pembunuhan terhadap Panglima Wilayah AM Pidië, Tengku Geutjhik Syammaun Gumpuëng, pembunuhan terhadap Panglima Besar AD, Tengku Abdullah Syafi’i, pembunuhan terhadap Panglima Wilayah Aceh Timu, Tengku Ishak Daud. Demikian juga dengan pembunuhan terhadap Ulama Prof. Safwan Idris, dan pembunuhan terhadap Rektor Unsyiah Prof. Dayan Daud diduga disebabkan oleh saingan politik sepertihalnya pembunuhan terhadap anggota2 MP-GAM.
Semua pembunuhan2 berantai ini tidak pernah diusut dan diselidiki baik oleh mantan Petinggi GAM yang berkuasa sekarang atau oleh Pemerintahan NKRI. Semuanya disapu bersih dan disembunyikan dibawah Permadani merah di-injak2 untuk kepentingan politik Penguasa Atjèh sekarang dengan memasukkan semua perbuatan jahat ini kedalam MoU Helsinki dan membuat motto: ”Perdamaian Aceh adalah Harga Mati”
Kedua-dua Pihak Perunding memperoleh Keuntungan yaitu: Pihak NKRI yaitu JK dan Hamid Awaluddin telah berhasil mengkibuli GAM MZ dengan memasukkan kembali Aceh yang telah lepas kedalam Wilayah NKRI sebagi Propinsi Aceh. Dipihak GAM MZ berhasil mengkhianati perjuangan bangsanya dan sebagai kaki tangan NKRI mendapat jabatan menjadi nomor 1 sebagai Gubernur Aceh dan nomor 2 sebagai Wali Nanggroë Aceh. Dan semua kawan2 yang dekat dengan mereka mendapat kedudukan atau amplop yang lumayan.
Kesedihan atas tragedi yang luar biasa atas keluarga2 MP-GAM yang bersangkutan tidak ada hubungannya samasekali dengan politik Perjuangan AM, tetapi kekejaman pembunuhan berantai ini melulu terjadi akibat keserakahan dan irihati pihak GAM MZ(Malik Zaini takut akan saingan politik internal dan competisi kekuasaan dan jabatan semata-mata. Perlu digaris bawahi bahwa Pembunuhan berantai ini tidak pernah mendapat perlawanan dari pihak MPGAM ataupun dari pihak keluarga korban. Semoga perbuatan jahat ini akan terungkap disatu masa. Wabillahi taufiq wal hidayah. Wassalam,
Dr. Husaini M. Hasan
Brisbane, 17 jan 2025
0 comments:
Post a Comment