17 Agustus 1945
Uroë bangsa Atjèh rhet dimijub peundjadjahan Djawa
Uroë njang seudéh lagi that hina
Han patôt geutanjoë meusuka ria.
Wahé peumuda dan mahasiswa
Beudoh beusaré peu-ingat bangsa
KUHP dan titjém Garuda
Hareuëm ta peugot keu Hukôm Bangsa
Djak ta peudong Nanggroë Islam
Djinoë ta peutrang peu-thèë bak dônja
Geutanjoë Atjèh bangsa pahlawan
Djinoë hai rakan ka rhet lam hina
Sabab ka bangai tan lé pikéran
Gadoh ingatan tan seutia keu bangsa
Hareuta teuh djih tjuë hukôm djih paran
Mantong tjhit rakan tabék keu Djawa.
Neugara Atjèh seuramoë Mekkah
Djinoë ta peusah peu-trang bak dônja
Peuriwang adat Po teumeureuhôm
Ta peudong Hukôm Sjiah Ulama
Wahé bangsa lôn Atjèh mulia
Beudoh beusaré peudong Neugara
Nasib bangsa droë leubèh utama
Ta lét peundjadjah hudép meurdéhka
Wahé bangsa lôn bèk meulalè lé
Djak prang kaphé bangsa peundjadjah
Bèk teumakôt keu darah ilé
Maté sjahid bila Agama.
Beudoh beudoh wahé bangsa lôn
Asah parang peudeuëng dan rintjông
Bangsa peundjadjah sikaphé badjeuëng
Sinthop lam kulam, tanom lam leubeuëng.
Matang Seureudang, 17-08-1979
Tengku Halimon
0 comments:
Post a Comment